Kōrero: Ngāi Tūhoe

Waikaremoana

Waikaremoana

Ko tētahi kōrero a Ngāi Tūhoe mō Waikaremoana, Ko te wai kaukau a ngā tīpuna. Anei he kōrero mō tōna hangatanga:

Tērā tētahi rangatira ko Māhu-tapoa-nui (Māhu rānei). Tokomaha ngā tamariki a Māhu. Noho ai a Māhu rātou ko tōna whānau ki Waikotikoti i Wairaumoana. Ka taka ki tētahi rā, ka tonoa e Māhu tana tamāhine a Haumapuhia (Hau) kia tiki wai i te puna. Ka whakakeke a Hau ki te haere. Nā te kaha whakatakariri o Māhu, ka toremi a ia i tana tamāhine, ka whiua tōna tinana ki te wai. Nō konei huri ai a Haumapuhia hei taniwha. Nāwai ā, ka wehe atu a Māhu, kore mō te hoki mai. Ka noho a Hau ki Wairaumoana. Heoi, ka haere te wā, ka kaha haere te hiahia o Hau kia puta ki te moana. Ka huri ia ki te raki rapu putanga ai; ka katia a ia e te pae maunga o Huiarau; kātahi ka huri ia ki te tukituki putanga mōna, hauware atu. Nā te kaha o tana tukituki, ka auahatia a Waikaremoana. Heoi, kāore i tutuki te hiahia o Hau kia puta ki te moana; i mau ia e te rā i te putanga o ngā wai e tata ana ki Onepoto.

Te whakamahi i tēnei tūemi

GNS Science
Reference: 17488
Photograph by Lloyd Homer

Permission of GNS Science must be obtained before any use of this image.

Ngā whakaahua me ngā rauemi katoa o tēnei kōrero

Te tuhi tohutoro mō tēnei whārangi:

Rangi McGarvey, 'Ngāi Tūhoe - Te whenua me te taiao', Te Ara - the Encyclopedia of New Zealand, http://www.TeAra.govt.nz/mi/photograph/2714/waikaremoana (accessed 21 September 2020)

He kōrero nā Rangi McGarvey, i tāngia i te 8 Feb 2005, updated 1 Mar 2017