Ko te kaupapa ake o te Kīngitanga he pūpū i te iwi Māori ki tētahi kaunihera whakawhiti kōrero me te kāwanatanga Pākehā. I tōna orokohanganga mai, ki Pūkawa i te tau 1857, ka whakatūria e Te Heuheu Iwikau tētahi pou haki me ngā taura e herea ana i runga. Kātahi ia ka kī, ko te pou ko te maunga tapu o Ngāti Tūwharetoa ko Tongariro tonu. Ko ngā taura ngā maunga tapu o ia iwi. Nō te whakahuatanga o ngā maunga nei ka ara mai te rangatira o taua maunga me te titi iho i tētahi pito o te taura ki te whenua. He tohu tautoko tēnei i te Kīngitanga. E whakaatu ana tēnei mahere whenua i ngā maunga tapu o te motu i herea ki te Kīngitanga.
Te whakamahi i tēnei tūemi
Te Ara - The Encyclopedia of New Zealand
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.