I te pakarutanga mai o ngā riri ki Taranaki i 1860, ka tukua a Ngāti Ruanui ētahi toa ki te awhi i a Te Āti Awa i tā rātou ātete ki te hoko whenua ki te Pākehā. Ka haere ngā taua Pākehā ki te rohe o Ngāti Ruanui, ka patua ngā tāngata, ka wāhia ō rātou kāinga. Ko tētahi haere kino, ko tā Tianara Trevor Chute me tana taua hōia i te tōmuatanga o 1866. Ka tahuna ngā kāinga, ka takahia ngā mahinga kai, ka patua ngā tāngata i ātete. He pikitia tēnei nā Meiha Gustavus von Tempsky; e noho ana ia i tētahi wīra kāta (cartwheel); kei muri i a ia ko Tākuta Isaac Featherston, te kaiwhakahaere o te porowini o Pōneke. Kei te taha matau ko te puni o ngā hōia Pākehā; kei tērā taha o te awa ko te pā o Te Pūtahi.
Te whakamahi i tēnei tūemi
Reference: A-198-008
by Gustavus Ferdinand von Tempsky
Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.