Ko te pokapū matua o te Kīngitanga ko te marae o Tūrangawaewae ki Ngāruawāhia. He mea tango te ingoa o te marae i tētahi o ngā tongi a Kīngi Tāwhiao:

Ko Arekahānara tōku haona kaha
Ko Kemureti tōku oko horoi
Ko Ngāruawāhia tōku tūrangawaewae. ¹

Te Puea

I ngā tekau tau o 1920, o 1930, ka whakatūria te marae o Tūrangawaewae i raro i ngā whakahaere o Te Puea Hērangi, he wahine whai mana o Waikato, o te motu whānui hoki. Hei mokopuna a Te Puea mā Kīngi Tāwhiao. Nā Te Puea te Kīngitanga i tiaki i tupu anō ai he ora ki te iwi. Nā tōna māia, kaha, ka tutuki i a ia tēnei mahi nui, ahakoa te tūpuhi o te ōhanga o te ao i taua wā.

Me pēnei te tohu i te whārangi:

Te Ahukaramū Charles Royal, 'Waikato iwi - Tūrangawaewae', Te Ara - the Encyclopedia of New Zealand, http://www.TeAra.govt.nz/mi/waikato-iwi/page-5 (accessed 20 April 2024)

He kōrero nā Te Ahukaramū Charles Royal, i tāngia i te 8 Feb 2005, updated 1 Mar 2017