He kawau ēnei manu. Kei roto te kawau i te kōrero mō te pakanga a ngā manu. Tērā te wā ka tautohe a Kawau rāua ko Tīwaiwaka, ko hea ngā kai pai rawa atu, ko ngā kai o te tuawhenua, ko ngā kai o te takutai rānei. Nā te koi o te hinengaro o Tīwaiwaka ka hinga i a ia a Kawau. Nā tōna whakatakariri, ka karanga a Kawau ki ngā manu ki-tai kia raupatutia e rātou ngā rohe whenua ki-uta. Heoi, i te pātaitanga atu ki a Ruru hei āhea tīmata ai te pakanga ka whakahokia e tērā, ‘Āpōpō’. Hoki atu, hoki atu te kāhui manu rā ki te pātai i a Ruru hei āhea tīmata ai te pakanga; rite tonu tā Ruru urupare ai, ‘Āpōpō’. Kore he pakanga; ka noho ngā manu ki-tai ki ō rātou rohe i te takutai, ka noho ngā manu ki-uta ki ō rātou nohoanga i te whenua. Whakarongo ki a Ruka Broughton o Ngā Rauru.
Te whakamahi i tēnei tūemi
Reference: 43346
Image: Department of Conservation, 10038549, by Graeme A. Taylor
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.