Ka hau te rongo mō te kāinga o Fred rāua ko Myrtle Flutey i Awarua (Bluff) kei te pito tonga o Te Wai Pounamu, i kākahungia e rāua ki te anga pāua (Haliotis iris). Tērā tētahi rā, ka whakaaro a Myrtle ki te tāpiri anga pāua ki tētahi ataata i tō rāua kāinga. Ka rata rā a Fred ki tēnei. Ka hipa ngā tau, ka whakamaua haeretia he anga pāua ki te whare, kia kapi katoa a roto, a waho. He whare taonga tō rāua kāinga i ēnei rā. I tua atu, he kohinga taputapu anga pāua. I te wā o te momi hikareti, whakamahia ai e ngā tāngata o Aotearoa te anga pāua hei ipu pupuri i ā rātou hikareti; ko ngā anga pākarukaru, ka mahia hei whakakai, hei taonga tuku hoki. I ngā toi o te Māori, whakamahia ai ngā anga pāua hei karu i ā rātou whakairo.
Te whakamahi i tēnei tūemi
Private collection
Photograph by Emma Dewson
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Tāpiritia te tākupu hou