I tauirahia mai tēnei tānga i te whakaahua rongonui a Theodore Géricault a ‘The raft of the Medusa’. He tānga tēnei e whakaatu ana i te wehi ka pā i te paenga o tētahi waka ki uta. Koinei tētahi o ngā tānga rongonui rawa mō te hītori o Aotearoa. Ko te whakaahua tēnei a ‘The arrival of the Maoris in New Zealand’. I whakahēhia tēnei whakaahua nā te whakaatu i te Māori e tata mate ana i te kore kai, me te kore aro ki ngā kōrero tuku iho a te Maori tērā he iwi kaumoana te Māori ō mua. Ahakoa kotahi anake te waka e whakaatuhia ana, nā te whakaahua nei whakanui ai te pūrākau o te paenga o tētahi Tāruru Nui ki Aotearoa.