Nō te tau 1642 i mōhio ai te Pākehā ki Aotearoa. Rua rau tau i muri mai, ka tatū ngā tāngata whai nō Ingarangi, nō Kōtarani, nō Airani anō hoki. He roa, he uaua hoki te haerenga, engari ka haramai rātou i runga i te whakaaro ka pai ake te oranga. Mai i te tau 1900, kua heke mai ētahi hapori, me ētahi tāngata ki Aoteaora nā ngā raru i ō rātou ake whenua. Ko ētahi, kua hiahia ki te haramai, nā te mea, he wāhi pai tēnei. He maha ngā tātai o ngā tāngata o Aotearoa – nō te Moananui a Kiwa, nō Ūropi, nō Āhia, nō Awherika, nō Amerika anō hoki.