Ngā Haurongo
Ko ētahi o ngā tino tāngata me ngā rōpū i kōkiri i ngā mahi whakarauora reo Māori, kei te kitea i konei. Heoi, arā noa atu ngā tāngata i kōkiri, ā, kei te kōkiri tonu hoki i tēnei kaupapa.
Ngā Tāngata
Tākuta Huirangi Waikerepuru
He tohunga o te Reo Māori, he rangatira mō ngā kēreme Tiriti.
Kahurangi Naida Glavish
E mōhio whānuitia ana tōna ingoa ko ‘Te Kia Ora Lady’.
Kahurangi Kāterina Mataira
He kaituhi totoko, he ringa mahi toi, he pouako, ko te poutokomanawa o Te Ataarangi.
Ahorangi o Mua, Ray Harlow
He ahorangi e ngākaunui ana ki tēnei tāonga te reo ‘Māori’.
Tākuta Cathy Dewes
He māreikura matakite, he aumangea ki te whakatutuki i āna whāinga.
Tā Himi Henare
He rangatira whai mana kua rangona whānuitia tōna reo, e mau tonu nei āna kupu whakaohooho.
Matiu Rata
He kaitōrangapū pukumahi, nāna i tū ai te Taraipiunara o Waitangi, nāna hoki i whakatakoto ngā tūāpapa mō te whakaohooho i te reo Māori.
Te Wharehuia Milroy
He kaiarataki mō te whakarauoratanga i te reo, he kaiako rongonui, he kaipupuri hoki i ngā paerewa o te reo Māori.
Mīria Simpson
He mātanga i roto i ngā reo e rua, kaore i wehi ki te tangata, nā tana kaha aumangea tonu kia puritia te reo ki ngā taumata tiketike.
Ahorangi o mua Whatarangi Winiata
He tangata pūkenga e whakapau kaha nei ki te hāpai tikanga mō te iwi, me te mariu o tana whakaaro ki te whakaora ake i te reo Maori i roto i tana iwi me tana hāpori.
Tākuta Richard Benton
He ruānuku Pākehā, he tangata whai pūkenga, he kairangahau hoki, nāna te karanga whakaohooho mō te tere ngaro haere o te reo Māori, i roto i ngā tau 1970, ki ngā kāinga e kaha tonu ana te reo i ngā rā o mua.
Piripi Walker
He tangata rae pakari, kaiwhakahaere, kaiwhakakorikori, te kaituitui i te kerēme WAI11. Koia te kaiwhakahaere tuatahi o te Upoko o Te Ika, te teihana reo irirangi Maori tuatahi.
Tā Tīmoti Kāretu
He kaiako, he kaiarahi, te kākā tarahae o te reo, he tohunga na Tānerore, he mātanga reo, e whakatau tikanga ana, e nanaiore tonu nei kia kōrerohia tonutia te reo, me te pupuri i tōna whānuitanga, i tōna kounga hoki.
Kahurangi Iritana Tāwhiwhirangi
Kua hia tau a Kahurangi Iritana e pūmau ana ki ngā mahi, mai o te whakatūranga o te kaupapa o te kōhanga reo.
Ngoi Pēwhairangi
He toki, he tohunga o te toi whakaari a te Māori, he kaitito i takoha mai i te taonga reo Māori, te waiata ‘Whakarongo’, e rangona nei i ngā wāhi kei te whakaakona, kei te akona te reo Māori.
Rōpū whakahaere
Ngā Kaiwhakapūmau i te Reo
Ko Nga Kaiwhakapūmau i te Reo te rōpū nā rātau te kerēme mō te reo Māori WAI11, i mau atu ki Te Rōpū Whakamana i te Tiriti o Waitangi. I raro hoki te kerēme i te ingoa o te Tumuaki o Huirangi Waikerepuru, me te rōpū o Ngā Kaiwhakapūmau i Te Reo.
Te Kaunihera Māori o Aotearoa
Ko te tikanga, i whakatūria Te Kaunihera Māori o Aotearoa hei rōpū matua ā-motu, mō ngā rōpū Māori katoa ahakoa te kaupapa.
Ngā Tamatoa me Te Hōhaieti o te Reo Māori
Ko te rōpū whakahē a Ngā Tamatoa i whakatūria i te tau 1970.
Pāremata me Te Rōpū Whakamana i te Tiriti o Waitangi
Ko Pāremata te wāhi e tino kitea ana te whakapau ki te whakarauora i te reo Māori.
Rangahau Mātauranga o Aotearoa
I whakatūria a Rangahau Mātauranga o Aotearoa i te tau 1934, ā, mai i te tau 1945 kua whakahaerehia i raro i tētahi ture o Pāremata. He mahi rangahau mātauranga, pūrongo motuhake, kupu tohutohu me te āwhina ā rātou mahi.
Ngā ratonga Kāwanatanga, he pānga o rātou ki WAI11
Ko te Tāhū o te Ture, ko Te Kawa Mataaho (te kōmihana), ko Te Tāhuhu o te Mātauranga me Te Tari Māori (Te Puni Kōkiri).
Ko ngā ratonga reo Māori
Te Taura Whiri i te Reo Māori me Te Mātāwai.
Ngā Rōpū Pāpāho
Ko TVNZ, ko RNZ rātou ko Te Māngai Pāho.