Te Tai – Treaty Settlement Stories

E ana a Tā Tīmoti Kāretu o Ngāti Kahungunu me Ngāi Tūhoe huri noa i te ao hei mātanga, hei ihorei hoki i roto i ngā mahi whakarauora reo.

I a ia e noho ana hei Toihau o te Taura Whiri i te Reo Māori mai i te tau 1987—1999, nāna te mahi nui ki te whakatinana i Te Ture o te Reo Māori 1987, tētahi o ngā hua i puta mai i te kerēme WAI11.

He kaitito waiata, haka hoki, he mātanga o te reo toi whakaari, he tohunga reo Māori hoki. He whānui rawa tāna mahi tuhi pukapuka i te reo Māori me te reo Pākehā hoki. Nā Tā Tīmoti i Whakatū te Tari Māori ki Te Whare Wānanga o Waikato i te tau 1972, ā, ka noho hei Toihau hei Ahorangi hoki tae noa ki te tau 1992.

Nā rātou ko Te Wharehuia Milroy, ko Pou Temara, i whakatū Te Panekiretanga o te Reo Māori, arā, te wānanga kounga ikeike mō te Reo Māori, i noho ko ia hei kaiwhakahaere.

I te tau 2017, ko Tā Tīmoti te Toihau o Tarahiti ā-Motu o Te Kōhanga Reo, o te Poari o te Ahurei Toi Whakaari Māori o Aotearoa (i mua atu i a Te Matatini), o te Māngai Pāho hoki.

I te tau 1993 ka whakawhiwhia ia ki te Tohu Mahi Hapori a Kuini Irihapeti II, i te tau 2017 i whakahonoretia ia ki Te Tohu Tā.

I tāngia tāna pukapuka mā ngā ākonga kura tuarua, arā, ko Te Reo Rangatira,i te tau 1994. Ko tēnei pukapuka para i te huarahi mō te rangatahi me te rahi i hiahia ki te ako i te reo Māori.

He kōrero anō

'Timoti Karetu: A stickler for standards'

'Sir Timoti Karetu, one of Māoridom's most respected linguists, takes step out of limelight '

'Professor Sir Timoti Karetu, KNZM, of Havelock North, for services to the Māori language'