Te Tai – Treaty Settlement Stories

Kōrero: Te Mana o te Reo Māori

Piripi Walker

He kaiwhakahaere ngākau titikaha, he kaiwhakakorikori, te hēkeretari o te rōpū kerēme WAI11, nāna hoki i whakatū te reo irirangi Māori tuatahi.
Piripi Walker rāua ko Tama Te Huki.
Ko Piripi Walker (taha matau) rāua ko Tama Te Huki i te taupuni hopuoro o Te Upoko o te Ika, te rā pāoho tuatahi i te tau 1987.
Alexander Turnbull Library; Tohutoro: EP/1987/2071/8-F

Nō Ngāti Raukawa a Piripi Walker, ko ia tonu te hēkeretari, kaiwhakarite kerēme hoki o Ngā Kaiwhakapūmau i te Reo, (te Wellington Māori Language Board), nā rātou i kawe te kerēme reo Māori ki mua i Te Rōpū Whakamana i te Tiriti o Waitangi i te tau 1984.

I a ia e hekeretari ana mō Ngā Kaiwhakapūmau, ka riro māna te nuinga o ngā mahi whakahaere i te kerēme, me ngā mahi whakarite taunakitanga. Ko Piripi Walker hoki te kaiwhakarite mō ngā kerēme reo a Ngā Kaiwhakapūmau ki te Rōpū Whakamana me ngā kōti o Aotearoa, me te Privy Council, mai i 1984-1997. I tutuki i a ia Te Tohu Tāhū Paetahi i roto i te akoranga Māori i Te Whare Wānanga o Wikitoria i te tau 1981, ā, kua whakaako hoki i te reo Māori i te taumata whare wānanga me Te Wānanga o Raukawa. I whakatūria e ia Te Upoko o te Ika, te reo irirangi Māori tuatahi, i whakapāoho tuatahitia i te tau 1987, kua whai raihana hoki ia hei kai whakamāori.

Na Piripi Walker i tuhi te pukapuka whakahirahira a Whakatupuranga Rua Mano 1975—2000, he kōrero hītori, mō te kaupapa whakamātautau i te whakawhanaketanga ā-iwi, i whakahaerehia mō te 25 tau i tāreia e Whatarangi Winiata, ka mutu koinei te take i ora ake anō te reo Māori i te rohe o Ngāti Raukawa, o Te Atiawa, me Ngāti Toarangatira.

Māori