Te Tai – Treaty Settlement Stories

"Titiro whakamuri kia whakairo te huarahi whakamua."

Tirohia ngā kōrero ā-Iwi

Ki te hiahiatia, me whakamau o pokitaringa.

He aha ngā Whakataunga Tiriti?

He aha ngā whakataunga o te Tiriti, ā he aha te painga?

I te tau 1840 ko te tikanga o te Tiriti o Waitangi he herenga i te ao me te Karauna o Ingarangi. Ko te whakatau kia mau tonu ki te Māori te mana pupuri i ōna whenua, ngahere, me ngā taunga-ika e ai ki tōna hiahia. Nā ngā Kāwanatanga katoa i takatakahi ngā ture o te Tiriti mai i te wā o te hainatanga. Auahi ana te ngaromanga atu o ngā taonga huhua a te Māori, ina:

  • Ka mahue kore whenua te Māori i ngā hoko-whenua a te Kāwanatanga mō te kore noa iho.
  • Te Raupatu i ngā whenua, kāore-hā i muri i ngā Pakanga o Aotearoa.
  • Nā ngā mahi a te Kooti Whenua Māori ki te whakangoikore i ngā ture Māori, ā kia ngāwari ai te hoko i ngā whenua Māori ki a tauiwi.

Kua whāia e te Māori ngā huarahi hei whakatikatika i ngā tūkino katoa. Nā te whakaae a te Karauna kia utua ngā hē, koinei ngā kaupapa e pupuri nei i ngā whakaritenga i ngā kerēme i raro i te mana o te Tiriti o Waitangi.

Ko ngā whakaritenga katoa o te Tiriti ka whakaingoatia te Karauna, kāore i te kāwanatanga o Aotearoa, nō te mea i hainatia te Tiriti i waenganui i te Karauna me te Māori. Ko ngā whakatau katoa a ngā kāwanatanga o Aotearoa kei raro i te mana o te Karauna, ko tōna tikanga ia i te tau 1840 ko te mana o te Piritānia whenua, ā, e tohu nei te mana o Kuini Irihāpeti II, Kuini o Niu Tīreni.

Te Taraipiunara o Waitangi me ngā whakawhitiwhiti

I muri mai i ngā tau o Te Pakanga Tuarua ka āta hua mai ngā hē i pā mai ki te Māori, mai i te taenga mai o tauiwi. I ngā tau o te 1960s ka tū mai ngā rōpu whakahē. I ngā tau o te 1970s, ka kaha ake te nguha/pukuriri/takahi-whenua a te Māori i runga i ngā muruwhenua me ngā tikanga o te Tiriti e takatakahitia ana.

I hua mai te Taraipiunara o Waitangi i te tau 1975 hei whakarongo ki ngā kerēme e pā ana ki te Karauna mō ōna takatakahi/hē mai i te Titiriti ki taua wā anake. I te tau 1985 ka tukuna te mana whakarongo-kerēme o Te Taraipiunara kia hoki rā anō ki te tau 1840.

I te tau 1989 ka whakatūria he tari mō te Tiriti o Waitangi i te Tari Ture hei ārahi i te kāwanatanga mō ngā tikanga. Kua whakaae te Karauna kei runga i a ia te mana hei whakatau i ngā mamae i ahu mai i te Tiriti. Ka tīmata mai ngā whiriwhiringa a ngā kaikerēme.

Ka āhei te Māori ki te tuku he kerēme mō tōna kotahi anake, ā-iwi, rōpū a-iwi, ā-hapū rānei. Mehemea ka eke te tono ki ngā whakaritenga a te Taraipiunara, ka rēhitatia. He āwhina-a-ture kei te wātea mō te hunga ka tū ki mua o te Taraipiunara o Waitangi.

Ngā Tikanga Whakatau

Hei whakatau i ngā takahitanga o te Tiriti i te Māori, kua kaha te Karauna ki te whakatau i ngā tukitukinga i pā ki ngā kai-kerēme:

  • whakaingoa i ō rātou kaikōrero
  • whakarite he ture (he ture whai-mana) e whakamārama ana i te whakatau; he whenua ētahi
  • he moni, ētahi āhua atu pēnei i te whakahoki mai nei i ngā ingoa kāenga Māori - pēnei i Aoraki - me te tuku aroha mai i raro i te mana o te Karauna.

Mai i te Ākuhata 2018, 73 ngā whakatau kua turetia. Ko te utu katoa o ngā whakatau e $2.24 piriona tāra. Tērā e pōhēhētia he moni nui tēnei, engari hei ngā marama 12 e tū mai nei, ka whakapaua e te Kāwanatanga te $14 piriona tāra ki te National Superannuation anake! Ko ngā moni kua whakapaua mō ngā kerēme katoa o te Tiriti i roto i ngā tau rua-tekau-mā -rima ka rite ki te rua marama noiho o ngā moni ka whakapaua mō te Superannuation!

Ko te rīpoata a te Taraipiunara o Waitangi mō te Takutai-moana i kitea:

‘WInā ka kitea ngā wāhi kua takatakahitia e te Karauna te mana o te Tiriti, ā kua tau ki runga ki te Māori ōna makenu, e ai ki a mātou me noho mā te Karauna tonu ngā whakatikatika. Koinei te ture-whakatikatika, kia noho mā te Karauna tonu e ‘whakahoki mai te hōnore me te pono o te Karauna, ā, te mana me te tū-rangatira o te Ao Māori’.

He whakaaturanga anō

He kōrero anō kei NZ HistoryTe Tiriti o Waitangi me te rā whakanui i a Waitangi

He kōrero anō kei Te AraNgā Whakataunga Tiriti

Mō Te Tai

Ko ngā whakatau o te Tiriti o Waitangi, motuhake ki Aotearoa, ā, e ārahi ana ki ngā hurihanga hou e pā ana ki Aotearoa.

Ko ngā whakatau a te Tiriti he mea tapu ki te whakaaturanga i tō tāua ira-tangata, me tana tū hei pou-toko-manawa mō Aotearoa.

He waipuke tonu te āhua o ngā hītori o Aotearoa, nō reira me kaha te kohikohi, te atawhai, me te pupuri i ngā kupu whakataunga a te Tiriti kei ora ana te hunga i tū ki te mura-o-te-ahi.

Manatū Taonga: Kua tīmata tēnei Manatū ki te whakatū i tētahi kaupapa hei whakatō i te māramatanga me te whakahōhonu ake i te mōhio ki te Tiriti me ōna tukinga. Ko Te Tai Whakea (Te Tai) ka noho hei pūtahi kōrero, ā, hei huarahi whakamārama i ngā momo kōrerohuhua ka puta mai.

Mā Te Tai e hono ngā iwi o Aoteraoa ki ngā kōrero whakatau o te Tiriti. He oranga nui ka hua mai i ēnei hītori/kupu onamata, tau mai ki ngā tuhinga onamata, ngā kōrero hōhonu, ngā tuhinga whānui, ngā hītori-a-waha me ngā momo taonga whakaako kei te reo Māori me te reo Ingarihi.

Te Tiriti o Waitangi

E whakaae nui ana Te Tai, ko te Tiriti o Waitangi te manawa o tēnei kaupapa. Ka mau tonu te mana whakatau i ngā huihuinga kōrero mō te Tiriti, me te mārika o te māramatanga o tō tātou hītori motuhake ki Aotearoa katoa.

Ko te tūmanako kia noho tonu mā Te Tai e hiki ake te mana me te kounga o ngā whakatau o te Tiriti i ēnei rā, ā tae atu ki ngā huihuinga-tangata āpōpō.

Mātauranga

E āwhina ana Te Tai i ētahi whakaaturanga rauemi whakawhitiwhiti a-mātauranga, māngā tauira me ngā kaiako tahi e whakaako ana mā te reo Māori me te reo Ingarihi. Ko ngā rauemi ka hāngai atu ki te New Zealand Curriculum me e Marautanga o Aotearoa.

Ka kitea ēnei i roto i te paetuku School Kit. Taihoa ake nei ka whakawhitia atu ki te paetuku o Te Tai.

Ko Te Tai kei te whakamahi i tētahi paetuku mātauranga ki ētahi momo kura ki Aotearoa whānui. Ko te Map of Stories kei te whakaatu i tētahi momo ākonga-a-wāhi kia āhei ai ngā kura ki te hono atu me te whai-haere ki ngā hītori kei roto ake i nga whakatau whānui atu o te Tiriti.

Ko Te Kura Kaupapa Māori o Te Orini ki Ngāti Awa kei te tuari haere ǀna mǀhiotanga kei roto i tēnei ataata.

Hei tuari haere i ngā momo akoranga kua hua mai, me haere manuhiri atu ki Te Tai Map of Stories - Classwork.

Te Tai Whakaea

I whakaingoatia te kaupapa nei hei pupuri i te āhua tata nei o ngā iwi o Aotearoa ki ngā whenua me ngā moana, ā hei whakatau anō hoki i te kupu-tika, arā kua hua mai i ngā kerēme o Waitangi me ōna whakatau ki a rāua tahi, he huarahi hou kei mua hei takahitanga atu āpōpō. Kua whakarāpopototia te ingoa ki Te Tai.

Mā Te Tai e:

  • Tuku mai he hītori whānui mō Te Tiriti o Waitangi mā ngā whakatipuranga o nāianei me ngā uri kei muri.
  • Kimi/Hūrapa i ngā āhuatanga o Te Tiriti e whakaahua mai nei i tō tātou kounga me te hikinga wairua.
  • Whakaatu ana ki te tāngata mō te tū rangatira o ngā iwi o Aotearoa me te hua o ngā whakatau e pā ana ki ngā mamae o mua.
  • Whakatū i tētahi tūnga motuhake hei whāngai atu i ngā hītori mō te Tiriti.
  • Kōrero i ngā āhuatanga o ngā hunga nā rātou i ārahi ngā whakataunga o te Tiriti.
  • Whāngai ngā kōrero whaihua mō Te Tiriti o Waitangi mō ōna whakatau.

Ka rere atu ngā mihi a Te Manatū Taonga mō ngā āwhina a:

Te Tāhuhu o te Mātauranga

Tāhū o te Ture

Te Puni Kōkiri

Te Taura Whiri i te Reo Māori

Māori