He kōrero rongorau
Tūhuratia te hīkoitanga hītori o te reo Māori, mai i te rau tau 1200 tae noa mai ki nāianei.
I ēnei rā, kua mōhiotia ko te reo Māori tētahi wāhanga nui i te ahurea, i te tuakiri hoki o Aotearoa. Heoi, kāre i pēnā rawa te noho ora o te reo ki tā te titiro i aua wā. Ko te hīkoitanga ki te whakamana i te reo Māori, he pakanga roa, ka mutu, nā te ngākau titikaha, nā te whakamanawanui, nā te kotahitanga a te iwi Māori i tutuki ai. Mei kore ake ngā kaihāpai me ngā ākonga o te reo Māori, i angitu ai tēnei kaupapa.
Waihoki ko te whakatakoto i WAI11, te kerēme reo Māori ki mua i te aroaro o te Rōpū Whakamana i te Tiriti o Waitangi, nā konā i mana ā-ture ai te reo Māori i te tau 1987.
