Te Tai – Treaty Settlement Stories

He wā i whakatūria ngā rōpū whakahaere pērā ki Te Taura Whiri i te Reo Māori, Te Māngai Pāho, me Whakaata Māori ki te whakarahi ake i te putanga o te reo Māori ki ngā reo irirangi me te pouaka whakaata. Kei tēnei wāhanga hoki ētahi panoni whai hua i puta ki te whakarauora i te reo Māori.

Te Mana o te Reo Māori – Wāhanga 8

Kei tēnei whārangi ka kitea ngā rauemi hei tautoko i ō ākonga e ako ana mō ngā mahi whakarauora whai muri i ngā mahi WAI11. He pātai matua, he tūmahi me ngā mahi tautoko i te reo.

Ngā ihirangi

• He kōrero mō te wāhanga
• Ngā pātai matua
• Ngā ngohe me ngā wheako akoako
• He kuputaka
• He rauemi anō

---

He kōrero mō te wāhanga

Wāhanga 8 te whakaahua

Kei te whakaahua o te Wāhanga 8 o te rauemi He Pūkei Whakaahua o Te Mana o te Reo Māori e whakaatu ana i tētahi pēne mētara takitoru, ko Alien Weaponry. Kua rongonuitia tēnei pēne mō ā rātou waiata reo Māori, he marangai reo Māori ki te ao. Ko tā rātou tangi hou, he tangi whakahihiko me ngā kupu Māori, ā, e panoni ana te reo Māori i tēnei ao.

He rauemi tāpiri

He kōrero atu anō hei tūhura mā ngā ākonga:

• Te Mana o te Reo Māori: he rārangi wā
• Te Mana o te Reo Māori: ngā haurongo
• Te Mana o te Reo Māori: he wānanga hītori
• Kōrero: Te reo Māori (Te Ara)

---

Ngā pātai matua

E kōrero ana tēnei rauemi mō te hītori o te memehatanga me te whakarauoratanga o te reo Māori, ā, e rima ngā take matua mai i Te Takanga o te Wā.

Te Takanga o te Wā Māori History Guidelines Year 1–8 (Te Kete Ipurangi)

Anei ētahi pātai matua e pā ana ki ia o ngā take matua. He whānui ēnei pātai kia maha ai ngā ara hei rangahau mā ngā ākonga.

• Whakapapa

  Tūpuna – Hononga – Tūrangawaewae – Tuakiri – Ahurea – Hapori – Tikanga – Mana Whenua
• Ki hea au uru ai?
• He aha te hononga o taku whānau ki te reo Māori i roto i ngā mahi o ia rā, o ia rā?

• Tūrangawaewae

  Tūrangawaewae – Tuakiri – Ahurea – Hapori – Wāhi – Te Ukiuki
• Ki hea au kite ai, rongo ai, kōrero ai i te reo Māori i tōku hapori?

• Mana Motuhake

  Tuakiri – Mana – Raru – Tohe – Hua – Tino Rangatiratanga
• He tāngata anō kei taku hapori kāre e hiahia ana ki te kite, ki te rongo i te reo Māori?
• Ka pēhea tā rātou whakamōhio atu i ō rātou whakaaro, tirohanga ki te katoa?
• He aha rātou i pēnei ai?

• Kaitiakitanga

  Wā – Horopaki – Tirohanga – Mōhiotanga – Tikanga – Kaitiakitanga
• He pakihi, he rōpū whakahaere anō kei taku hapori e tautoko ana i te whakarauoratanga o te reo Māori?
• He aha ā rātou mahi?

• Whanaungatanga

  Whānau – Hapū – Iwi – Whakapapa – Tūpuna – Hononga – Hapori – Manaakitanga – Kotahitanga
• He noho anō pea taku whānau ki te mātakitaki i a Whakaata Māori, te whakarongo rānei ki ngā reo irirangi Māori, me ngā kaiwaiata e waiata ana i roto i te reo Māori, te waihanga rānei i tētahi rārangi waiata reo Māori?

Kei ia o ngā take nei he ara hei hono atu mā te ākonga ki te hītori o te reo Māori. Tirohia ngā atahanga ki te tiro ka pēhea te hono atu o ngā kōrero me ngā tūmahi ki ia o ngā take matua.

Ngā ngohe me ngā wheako akoako

Anei ētahi ngohe hei whakamātau me ō ākonga.

Ngohe 1: He pānui mō te reo irirangi

Ngā kaupapa matua:

Waihangatia tētahi pānui āhua 30-hekona te roa mō te reo irirangi mō te whakarauora i te reo Māori. Kei a koe ka pēhea te āhua o tō pānui. Ākene:

• he whakahau i te hapori kia rahi ake te whakamahi i te reo Māori
• he whakahau i te hunga kōrero i te reo Māori kia kaha ake te kōrero i roto i ngā hapori
• he whakahau i ngā pakihi ki te whakauru i te reo Māori ki ā rātou tikanga mahi
• he whakahau i ngā tīma, ngā karapu hākinakina ki te whakatairanga i te reo Māori i roto i ā rātou mahi.

I a koe e hanga ana i tō pānui, me whakaaro ake ki:

• te hunga e toro nei koe
• te kaupapa me te hāngai o te pānui
• tō kaupapa matua
• tō mahi ki te whakatairanga i te reo Māori mā tō pānui
• tāu e whai ana, ina aro mai ana te tangata ki tō pānui
• tētahi kīanga, kīwaha rānei mō tō pānui
• tētahi waiata pea?

Ina oti ana tō whakautu i ngā pātai, tuhia tō pānui ki te pepa ka whakaatu ki te akomanga hei kauhau, hei kiriata rānei (hei tauira, mā te wāea, he pūrākau matihiko rānei).

Ngohe 2: He pānui whakanui i te reo Māori

Kaupapa matua:

Waihangatia he whakaaturanga ataata e whakanui ana i ngā angitutanga i puta nā runga i te whakarauoratanga o te reo Māori. Koia nei ētahi whakaaro mō tō pānui:

• he kaupapa i āwhina nei koe ki te whakatairanga i te reo Māori
• ngā whakahaere, ngā rōpū, ngā tāngata i takoha atu ki te whakarauoratanga o te reo Māori
• ngā panonitanga a ngā Kāwana me ngā hapori ki te tautoko i te whakarauoratanga o te reo Māori.

Ko ētahi whakaaro mō te āhua o tō whakaaturanga:

• he kōwaiwai toirau, he pānui rānei
• he kohinga whakaahua
• he kiriata poto
• he mahinga toi rānei.

Whakaatuhia tō kōrero ki te akomanga ka whakamārama atu i te take i tohua ai e koe.

Ngohe 3: He toa reo Māori

Ngā kaupapa matua:

Rangahaua he tangata e whakaaro ana koe i whai hua āna mahi whakarauora i te reo Māori mō tō whakaaturanga. Ākene he tangata nō tō whānau, tō hapū, tō iwi, tō hapori rānei. Ākene ka tohu rānei koe i tētahi o ngā whakaahua kei te wāhanga haurongo o Te Mana o te Reo Māori i te paetukutuku o Te Tai Whakaea. Anei ētahi whakaaro mō tō whakaaturanga:

• i whānau mai, i tipu mai i hea
• ā rātou mahi ki te whakatairanga i te reo Māori
• he aha pea tā rātou takoha ki te whakarauoratanga o te reo Māori.

Me whakaatu mai i tō whakaahua hei:

• pūrongo
• pūrākau matihiko
• whakaari poto
• kōwaiwai toirau
• tirohanga ataata
• waiata.

Ka whakaatu i tō kauhau ki te akomanga.

---

He kuputaka

pānui
advertisement

reo irirangi
radio

tirohanga ataata
diorama

---

He rauemi anō

• How to make a diorama (YouTube)
• Revitalising te reo (Te Herenga Waka)

Tikiake mō te Wāhanga 8

• Aratohu mā te pouako Wāhanga 8 (kōnae, ūhōputu, 1.25MB)
• Mō te pukamahi a te ākonga – Tōku Ara Reo Māori (kōnae, ūhōputu, 0.8MB)
• He Pūkei Whakaahua o Te Mana o te Reo Māori (kōnae, ūhōputu, 9.5MB)

---