Te Wharehuia Milroy
'I akohia e Te Wharehuia, ngā mea e mōhio ana a ia. Ma te whakatupuranga e whai ake nei e tiki atu, ka whakawhanake i te reo Maori, ka whakawhanake i ngā mātauranga hou, ka whakawhanake i ngā rapunga whakaaro.'
Ko Te Wharehuia Milroy o Ngāi Tūhoe te Ahorangi Māori o Te Whare Wānanga o Waikato. He kaitiaki i runga i te Poari Matua o Te Kōhanga Reo, he mema o Te Taura Whiri i te Reo Māori me Te Rōpū Whakamana i te Tiriti o Waitangi.
I te taha o Tā Tīmoti Kāretu rāua ko Pou Tēmara, i whakatūhia e ia te Panekiretanga o te Reo Māori, he kaupapa i whakahaerehia mai i te tau 2004 ki te tau 2019. I riro i a ia Te Tohu Hapori (2003), Te Tohu Tāpui (2012), ka riro hoki i a ia te Tākutatanga Whakahōnoretanga mai i Te Whare Wānanga o Waikato i te tau 2005.
I te taha o Tā Tīmoti Kāretu, i puta tā rāua pukapuka mō te reo Māori, i roto i te reo Māori, He Kupu Tuku Iho, i te tau 2018.
E ai ki ngā kōrero a tōna hoa mahi, ka mutu, o tōna hoa tonu, 'I whakaakohia e Te Wharehuia ngā mea i mōhiotio e ia. Mā te whakatupuranga e whai ake nei e tiki atu, ka whakawhanake i te reo Māori, ka whakawhanake i ngā mātauranga hou, ka whakawhanake i ngā rapunga whakaaro.’