Koianei ngā moutere e rua kei Te Whanganui-a-Tara: ko Mokopuna (kei mua), me Matiu. Ko Mākaro anō tētahi moutere kei reira engari kāore e kitea i te whakaahua nei. Tapaina ai ngā moutere nei a Matiu rāua ko Mākaro ki ngā tamāhine a Kupe. E ai ki tētahi kōrero i whakarerea rāua e Kupe. Kei te takutai o Aotearoa ngā ingoa maha e pā ana ki a ia. Maha tonu ngā mea i whakarerea e Kupe ki Aotearoa – ko tana tama tonu tērā, tana kurī, tana taniwha, ētahi rā, he kupenga, he tīheru hoki. Nā Kupe i taunaha tēnei whenua, ā, nō muri i tana hokinga ki Hawaiki ka kōrero a ia mō ngā huarahi kia tae ki Aotearoa. Kīhai a Kupe i hoki ki Aotearoa.