Kōrero: Ngā kaitito waiata

Ko Āpirana Ngata me te waiata ‘Karangatia rā’

E mahi ana a Āpirana Ngata i tana waiata ā-ringa ki Te Tai Rāwhiti i te tau 1938. Nā Ngata i rongonui ai te waiata ā-ringa. Nāna hoki ngā waiata Pākehā i whakamāori, ā, he wā ka tīkina ngā rangi hei kīnaki ki āna kupu Māori. Tuatahi ake ka titoa a ‘Karangatia rā’ mō ngā mōrehu o te hokowhitu Māori i hoki mai i te Pakanga Tuatahi o te Ao. Ko tētahi kaupapa o te waiata, ko te matenga o Wī Pere i te tau 1915.

Ko tēnei tauira o te waiata i tīkina mai i te ōrorongo o te whakatuwheratanga o Uepōhatu ki Ruatōria i te tau 1947. Kua rawekehia ngā kupu kia whakamihia a Ngata me Ngāti Porou mō ngā whakapau kaha ki te pakanga.

Karangatia rā, karangatia rā
Pōwhiritia rā
Ngā iwi o te motu
Ngā mano tēnei
Haere mai
He hui aroha
Mō ngā hōia
Ngau te aroha me te mamae 

Haere mai e ngā iwi
Haere mai e ngā toa
Nau mai te kawana
Ngā mana tiketike
Honoa mai te aroha
Haere mai
Ngā ōhākī a ngā tūpuna
Ngau nei te aroha me te mamae

Nāu rā e Api
Nāu rā e Porou
Wero ki taku uma
Titi rawa i te manawa
Oho ana te mauri, āue rā
Taonga tuku iho a ngā tūpuna
Ngau nei te aroha me te mamae, hī

Te whakamahi i tēnei tūemi

Alexander Turnbull Library, Whites Aviation Collection
Reference: WA-12594-G
Photograph by Leo Lemuel White

Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.

Sound file from Ngā Taonga Sound and Vision – Radio New Zealand collection. Any re-use of this audio is a breach of copyright. To request a copy of the recording, contact Ngā Taonga Sound and Vision (Opening of Uepohatu Memorial Hall. 1947-09-12/40863)

Ngā whakaahua me ngā rauemi katoa o tēnei kōrero

Te tuhi tohutoro mō tēnei whārangi:

Te Ahukaramū Charles Royal, 'Ngā kaitito waiata - Ngā kaitito o muri', Te Ara - the Encyclopedia of New Zealand, http://www.TeAra.govt.nz/mi/music/44279/ko-apirana-ngata-me-te-waiata-karangatia-ra (accessed 20 October 2021)

He kōrero nā Te Ahukaramū Charles Royal, i tāngia i te 22 Oct 2014