Te Tai – Treaty Settlement Stories

Raupatu

Waikato-Tainui

Raupatu

I te 1995, i whakapaahaa te Karauna moo taana muru kino me tana raupatu hee i ngaa eka 1.2 miriona koo atu, o ngaa whenua o Waikato, maa te whakataunga $170 miriona nei me te taamoko o Kuini Irihaapeti II. He koorero a Raupatu, moo ngaa rangatira e kookiri ana i te whakataunga a Waikato-Tainui, ka taatai hoki i te whanaketanga o te iwi i ngaa tau 25 ka whai mai.

Waahanga 1

Te Hainatanga

He tohu mana nui te hainatanga ki Te Arikinui Te Atairangikaahu, te uri o ngaa manu arataki o te Kiingitanga, i ngana ki te whakatika i ngaa heenga mai i ngaa tau 130 ka mahue nei. He peeraa rawa hoki te whakahirahiratanga ki te Karauna, me te tuumanako o Piriimia Jim Bolger, ki te waawaahi i te ara o ngaa putunga whakataunga raupatu tuku iho. Kia hoki whakamuri ngaa whakaaro, ka kitea, naa te maaia o ngaa hoa Tiriti e rua i tutuki ai ngaa kereeme raupatu tuku iho.

Waahanga 2

Ko te maatauranga te mea matua

Kua e whia miriona taa Waikato whakangao ki te maatauranga, mai i te whakataunga. Whakaheke werawera ana te iwi kia toomua i te ao maatauranga. O ngaa iwi tekau maa rima nei, i a ia te kaha tokoiti o ngaa ihuputa i te haikura me te whare waananga, e ai ki te hautaka a te Porihana Poriniihia. I te hauwhaa o te rau tau ka mahue nei, e piki whakarunga ana te ahunga o ngaa whakatutukihanga, ka mutu ki te taumata paerunga, e poho kereruu ana Waikato i te kupenga 100 o ngaa Kairangi.

Waahanga 3

He pakihi nui a Tainui

I 1995 i whiwhi ai a Waikato-Tainui i teetehi whakataunga whenua, moni hoki, $170 miriona nei, hei whakaea i te raupatunga hee o te 1 miriona koo atu o ngaa whenua aa-iwi i ngaa 1860. Rua tekau maa rima tau i muri nei, kua piki ake ngaa rawa arumoni ki te 1 piriona.

Waahanga 4

Kaitiakitanga – te tuuranga i te awa

I te kupu a Kiingi Tuheitia Pootatau Te Wherowhero VII ki te raahui i ngaa awa o Waikato me Waipaa i te mooreareatanga kowheori, i kitea ai he peewhea rawa tana whakaaro ki te kaitiakitanga o te awa.

Waahanga 5

Te whakatupuranga e haere ake nei

He whakamaatautau whakakitenga pono te mate urutaa KOWHEORI-19 moo Waikato, heoi anoo he aaheinga hoki teenei hei arotake i te mana hautuu me ngaa rauemi, 25 ngaa tau i muri mai i taa maatou whakataunga Tiriti.

Kua tohungia e Waikato-Tainui te tohu oro taapara atu i te tohutoo i roto i teenei aahuahira.
Māori