I hoahoatia Te Papa Tongarewa, te whare taonga ā-motu i Te Whanganui-a-Tara hei whakanōhanga tikanga rua mai i te tīmatanga. E tūtohu ana te whare taonga i te tūnga ahurei o ngāi Māori i Aotearoa me te hiahia ki te whakapūmau i ō rātou whakaurunga ki te mana whakahaere, te whakahaere me te mahi o te Whare Taonga. Ka tū te whare hui Te Hono ki Hawaiki i roto i te marae o te whare taonga, Rongomaraeroa. I whakairohia e te kaihautū tuatahi o te whare taonga, e Cliff Whiting (Te Whānau-a-Apanui). E whakaahua ana ngā pou ki mua i ngā pūrakau me ngā kōrero tuku iho, ā, ko ērā ki muri e whakaahua ana i ngā tauiwi kua noho ki Aotearoa.